Champions League: United përmbys Milanin

[b]

Djajtë e Kuq kanë arritur të kthehen nga disavantazhi për ta mposhtur Milanin para tifozëve të vet.[/b]
Takimi i parë i 1/8 së finales së Ligës së Kampionëve, i zhvilluar të martën mbrëma në San Siro, ndërmjet Milanit dhe Manchester Unitedit, ka përfunduar me fitoren e mysafirëve me rezultat 3-2.
Vendasit krijuan avantazh të hershëm (3’), kur pas një krosimi të ulët të David Beckham, Ronaldinho me ndihmën e Michael Carrick mposhti portierin Van der Sar.
Në fraksionin e parë të lojës, kuqezinjtë ishin skuadër dukshëm më e mirë se kundërshtari i tyre anglez, mirëpo vendasit nuk i konkretizuan rastet e tyre të shumta.
Kështu që, kjo iu hakmor. Në minutën e 36-të, mesfushori veteran Paul Scholes barazoi rezultatin me një gol të shënuar paksa me fat, dhe me rezultat 1-1 përfundoi pjesa e parë.
Në pjesën e dytë gjërat ndryshuan dhe United dalëngadalë ktheu ndeshjen në favor të vet.
Në skenë doli sulmuesi në top-formë, Wayne Rooney, i cili shënoi dy herë në portën e Nelson Didas, pas krosimeve të Valencias (66’) dhe Fletcherit (85’), për t’ia vështirësuar punët skuadrës vendase.
I inkuadruari në pjesën e dytë, Clarence Seedorf, arriti ta ngushtojë epërsinë në 2-3 (85’), por kjo ishte krejt çka arritën të bëjnë Rossonerët në pjesën e dytë.
Ky rezultat e favorizon Manchester Unitedin, kur dihet se ndeshja e kthimit do të zhvillohet në Old Trafford.

Kur do vene ment keta te milanit!