Kombetarja, jep doreheqjen Arie Haan



Trajneri i kombetares shqiptare te futbollit, Arie Haan ka dhene doreheqjen nga ky post.

Vendimi eshte marre para pak castesh dhe duket se holandezi ka gjetur gjuhen e perbashket me FSHF per t’u larguar.

Doreheqja vjen pas disa humbjeve te njepasnjeshme te regjistruara nga perfaqesuesja shqiptare ne turin e eliminatoreve per ne boterorin Afrike 2010. Largimi me vullnetin e holandezit ka kursyer detyrimet financiare te
FSHF-se, pasi ne rast te prishjes se njeanshme te kontrates, institucioni i futbollit shqiptar do t’i paguante te gjitha detyrimet e parashikuara ne kontrate, teknikut holandez.
Aktualisht, federata nuk ka publikuar asnje emer konkret per te marre drejtimin e kombetares kuqezi qe ndodhet ne vendin e 5-te te Grupit 1 per eleminatoret e Boterorit 2010.

Pas largimit te Ari Han nga stoli i perfaqesueses shqiptare, ne Federaten Shqiptare te Futbollit ka filluar zyrtarisht
“gjuetia” per trajnerin e ri.

Alternativat per zevendesimin e holandezit jane te shumta dhe ne “qeverine” e sportit me popullor ne vend kane mberritur CV nga gjysma e botes. Nuk mungojne emrat e njohur, Skala, Malezani apo Fasheti, por kuotat me te larta i ka gjithmone ai: Sreçko Katanec. Trajneri eshte i disponueshem prej afro dy javesh, pasi dha doreheqjen nga Kombetarja e Maqedonise.
45-vjeçari, ish-lojtar i Jugosllavise dhe Sllovenise, ka shkelqyer si futbollist (duke milituar me klube si Dinamo e
Zagrebit, Partizani e Beogradit, Shtutgart e Sampdoria: me keta te fundit ka fituar nje titull ne Serine A dhe ka arritur ne finalen e Champions), e tashme shihet si nje prej trajnereve te rinj me te talentuar ne qarkullim.

Emri i tij ndodhej ne listen “e vogel” me 20 trajnere, nga 40-50 te tille qe i jane paraqitur Komitetit Ekzekutiv
ne FSHF. Ne harkun e pak diteve, anetaret e organit vendimmarres ne futbollin shqiptar do te takohen serish, per te zgjedhur kandidatet potenciale. Ne fund, do te mbeten 4-5 kandidate dhe “i perzgjedhuri” do te jete ai qe i pershtatet me mire kushteve te federates.

Trajneri

Katanec eshte i favorizuar edhe pse konkurron kunder emrave te njohur ne arenen nderkombetare. Madje, fakti qe nuk ka shume eksperience ne karrieren si trajner, duket se do te jete avantazhi i tij kryesor. Kjo, sepse kete here kreret e futbollit kane vendosur te shkojne “kunder rrymes”: personi te cilit do t’i besohet stoli kuqezi duhet te jete i ri dhe shume ambicioz.

Kritere qe slloveni i ploteson me se miri, duke shtuar ketu edhe aftesite ne drejtimin e skuadrave dhe punen e mire qe ka bere ne krye te Maqedonise. Gjithsesi, ai duhet t’u pershtatet kushteve qe kerkohen per trajnerin e ri. Per here te pare do te kerkohet angazhim maksimal ndaj Kombetares shqiptare dhe jo nje trajner “parttime”, qe pjesen me te madhe te kohes e kalon ne shtepi.

Federata Shqiptare e Futbollit vazhdon hulumtimin e CV-ve per te zgjedhur trajnerin e ri te kombetares pas largimit te holandezit Arie Haan.

Ashtu sic eshte folur kohet e fundit, tregu me i preferuar eshte ai ballkanas dhe pikerisht eshte nje teknik nga Bosnja favorit per te marre drejtimin e kuqezinjve. Behet fjale per kampionin e Evropes me Cervena Zvezden, 61 vjecarin Ljubko Petrovic, i cili ne vitin 1991 ka fituar trofeun me te rendesishem per klube ne Evrope, pasi skuadra e tij mundi Marsejen ne finale.
Petrovic ka qene nje nga lojtaret me te spikatur te Ish Jugosllavise, ndersa si trajner ka drejtuar klube ne Bosnje, Serbi, Spanje, Uruguai, Bullgari, Austri e Kine. Skuadra e fundit qe ai ka drejtuar eshte Vojvodina, nga e cila u largua ne mars te ketij viti. Ndeshja e radhes per kombetaren shqiptare eshte ajo e 6 qershorit ne Tirane kunder Portugalise.