Takimi masiv i qenve në Paris

Në Paris, gjatë vikendit, sipas shembullit të popullarizuar “Speed dating”, është organizuar shoqërimi i parë masiv i qenve. Pronarët sollën qentë e tyre në Champs-de-Mars për t’i njoftuar me miqtë ose “dashnorët” potencial.

Agjencia që organizoi këtë ngjarje tha se takimin e kanë organizuar sipas shembullit të “Speed dating”, mënyrës së popullarizuar të njohjes së një numri të madh të njerëzve për një kohë shumë të shkurtër.

Kështu edhe qentë patën disa minuta që të sillen mirë, dhe të bëjnë për vete miqtë e tyre qen, ose të gjejnë dashnorë të rinj.

Përveç qenve, kjo ngjarje ishte e dobishme edhe për pronarët e tyre të cilët u njoftuan me punën e agjencisë e cila ofron shërbime edhe për ruajtjen e qenve gjatë pushimeve vjetore.